Det har i det siste vore ein debatt om kva som er god og mindre god barnelitteratur. Det er heller ikkje heilt enkelt å skapa eit univers, eit språk, og bilete som tar barn nok på alvor. Det greier prisvinnaren med glans.
I år går fylkeskulturprisen til ein kunstnar som har heva statusen til barnelitteratur. Ho har gitt born og vaksne grunn til å forvente kvalitet. Med svært presise redskap lagar ho unike rom for oppleving, tanke, ettertanke og samtale.
Juryen legg og vekt på at Stai i ei rekke prosjekt i regionen har bidratt med kvalitet og utviklingskraft. Samarbeidet med Nord-Trøndelag Teater om å få Jakob og Neikob på scenen er eit døme på det.
Om Kari Stai:
Kari Stai er illustratør, forfattar og biletkunstnar. Ho er mest kjend for bøkene om Jakob og Neikob. Tidlegare har ho mellom anna fått Kulturdepartementets debutantpris, Brageprisen og Kritikarprisen. Bøkene er selde til fleire land, mellom anna India, Danmark og Frankrike. Stai er utdanna ved Kunsthøgskolen i Oslo med hovudfag i visuell kommunikasjon. Ho har også studert ved Oslo Tegne- og Maleskole og Høgskolen i Telemark.